كونات وأجزاء عفشة السيارة كاملة

مكونات وأجزاء عفشة السيارة كاملة : ( كيفية المحافظة علي العفشة الخاصة بالسيارت )

• حرصأ منا على توعية عملائنا بكيفية المحافظة على عفشة السيارة وتجنب سوء الاستخدام نقدم شرح شامل لكل أجزاء عفشة السيارة ووظيفة كل منها وكيفيه المحافظة عليها وإطاله عمرها

اولا : مكونات العفشة الامامية :

1: قطمة الدركسيون - الإسكاترة (علبة دركسيون أو الجريدة المسننة )

2: تيش دركسيون داخلى - تيش دركسيون خارجى (بارة طرف الدركسيون)

3: مقص علوى واخر سفلى (فى كل جنب)

4 : 4 كاوتش ميزان (فى كل جنب)

5: كوبلن خارجى وآخر داخلى مع اكس توصيل (فى كل جنب)

6: طنبورة ديسك امامى وجهاز فرامل (فى كل جنب)

7: مساعد + سوستة + بطاحة (فى كل جنب)

8: بيضة شمعدان (او مسمار ميزان) (فى كل جنب)

9: شمعدان (فى كل جنب)

10: بلية طنبورة (بلية العجل) (فى كل جنب)

11: 4 كاوتشات تراب (فى كل جنب)

عيوب العفشة وكيفية ضبطها :

=================

• 1: علبة الدركسيون

frown emoticon

الاسكاترة )

 

علبة الدركسيون من اهم المكونات اللى بتكون موجودة فى العفشة لانها لو بايظة وكل عفشتك سليمة هتحس كأنك راكب مراجيح وتسمع تخبيط فى اى مطب

وعشان تتاكد ان علبة الدركسيون عندك سليمة :

1: هز الدركسيون وعينك على العجل لو لقيت مع اى حركة بسيطة للطارة الكاوتش بيتحرك يبقى كدة علبة الدركسيون سليمة ولا يوجد بها بوش ,غير كدة يبقى العلبة مبوشة ويلزملها طقم اصلاح

2: ممكن يكون العلبة مافيهاش بوش بس العلبة نفسها من جوة بدأت تروسها تتاكل وتضعف ودية بتبقى اسمها حشوة علبة الدركسيون وبتضطر تغيرها لما تسمع صوت خبط مع اى ارض غير ممهدة وغربلة فى الطارة وايضا بتحدث بعد سرعة 80 كيلو

3: ممكن تكون الاسكاترة بتسرب زيت الباور فتؤدى الى تقل فى التارة وصعوبة تحريكها وفى هذه الحالة يتحم حل الاسكاترة وعمل طقم إصلاح لها وتغيير الجوانات والأويل سيلات الداخلية التى تحجز الزيت

قطمة الدركسيون (عامود الدركسيون) :

عبارة عن العامود الموصل للحركة من التارة إلى الاسكاترة وهو يتكون من ماسورة معدنية ويتوسطها 2 أو 3 صليبة لنقل الحركة الدائرية للماسورة مع تعديل اتجاه الماسوة حتى تصل الحركة الى الاسكاترة

وعند تلفها يكون فيه بوش بسيط جدا عند تحريك التارة أو تشعر بنقرة شديدة عند تحريك التارة وفى هذه الحالة يتم تغيير صليبة الدركسيون التالفة

2: التيش الداخلى والخارجى (بارات الدركسيون) :

التيش عبارة عن زراع صغير فى اولة بيضة متحركة تنتهى بمسمار برغى يتم تركيبة فى نهاية كل جانب من الجريدة المسننة التى بداخل الاسكاترة وفى الجهة الاخرى من التيش مسمار أخر يتم تركيبه فى التيش الخارجى والذى يشبه بالضبط التيش الداخلى ووظيفة هذه الاتياش هى نقل حركة الجريدة المسننة الى العجل (كاوتش السيارة) حيث ان البيضة التى تكون فى نهاية التيش الخارجى (بارة طرف الدركسيون) يتم تركيبها بصامولة فى الشمعدان الذى تثبت فى العجلة

ودول لما بيبوظوا بتحس بصوت خبط فى العجلة نفسها اللى بيبقى التيش بتاعها بايظ , دة غير ان التوجية بيبقى خفيف جدا لما تيجى تكسر شمال مثلا , وعلى السرعات العالية فوق ال 100 مثلا بتلاقى العربية خفيفة فى التوجيهة

3: المقص العلوى والمقص السفلى :

* اولا المقص العلوى : بيكون على شكل مثلث فى الجنبين الخلفيين فى كاوتشة محكمة جدا , وفى اول المثلث بلية بعمود صغير بيتم تركيبة فى الجنب المخصص لية وبيكون مكانة امام المساعد من الاعلى وهو لايوجد إلا فى بعض انواع السيارات وليس معظمها

عيوبة بيخلى العربية مايلة شوية من قدام , مع النزول من المطب بيعمل صوت تزييق وخبطة بسيطة

* ثانياً المقص السفلى : ودة عبارة عن عمود فى اخرة كاوتشة وفى اولة كاوتشة (جلبة المقص) يجب ان تكون سليمة والا هتحس بأى مطب دة غير عومان العربية والمقص دة بيتوصل بالشمعدان وواصل باجنب العربية

وفى حالة ان تكون جلب المقصات مقطوعة أو غير سليمة يتم تغييرها فى حالة أن يكون الجسم المعدنى للمقص سليم أما اذا كان هناك إعوجاج فى المقص بسبب تعرض السيارة لصدمة أو خبطة فيتم تغيير المقص بالكامل

 

4 : كاوتش الميزان (مسمار الميزان) :

كاوتش الميزان من اهم العناصر الاساسية فى ظبط السيارة لانة بيتكون فى الجنب الواحد من 4 كاوتشات وبيتم استخدامة فى الفصل مابين اجزاء العفشة وبيركب على حاجة اسمها اطباق + مسمار الميزان

وعيوبة انك بتلاقى العفشة خفيفة مع مطبات الهواء بالذات

5 : الكبالن:

اولا : الكوبلن الخارجى ( راس الكوبلن ) :

رأس الكوبلن الخارجى هى التى تنقل الحركة الى العجل من الفتيس وبتمشى فى حركات امامية وخلفية وعلوية وسفلية لكى تستمر فى نقل الحركة من الفتيس الى العجل عند كسر الدركسيون فى الملفات وبهى تتكون من مجموعة من البلى داخل جسك الكوبلن ويجب ان تظل محتفظة بالشحم داخلها

واعراضها انك لما تيجى تكسر شمال او يمين بتسمع صوت زى طقطقة ودة معناة ان مكان البلى بدأ يبقى فية بوش ومابقاش محكم

ولازم يتغير عشان مع الوقت ممكن يفرك ويؤدى الى كسر الكوبلن

العيب الثانى ممكن يكون مجرى بلى الكوبلن نفسة بقى خفيف فيسبب رعشة اثناء السرعات او عدم احكام دقة التوجية عند الدخول فى المنحنيات الخفيفة

- الكوبلن الداخلى : الكوبلن الداخلى مهم جدا حيث يتكون من جسم الكوبلن + 3 صلايب فى احدى الجنبين تكون مربعة وفى الجنب الاخر وهو الايمن تكون صلايب دائرية

وهذا الكوبلن يتحرك فقط فى اتجاهين امامى وخلفى فقط وعمرة طويل

ومشاكل الكوبلن دة تظهر بوجود صوت خبط حديد×حديد اثناء التحرك الى الامام او الخلف , او عند الدخول فى ارض غير ممهدة

امتى تعرف انة بايظ : الكوبلن بيطلع بيتم الكشف على ال 3 صلايب لو لقيت الصليبة خفيفة او مبوشة بيتم تغيرها

نيجى لجسم الكوبلن نفسة واسمة عند الفنيين ( القلة ) :

بيتم الكشف عليها عن طريق تمرير الاصبع على المجرى اللى بيتم تركيب الصليبة فيه للبحث عن ريجة او تأكل فى المجرى نفسة لو بقيت الكلام دة يبقى يتغير فورا عشان يمنع صوت الخبط

- الاكس : ( عمود التوصيل ):

الاكس دة مهم جدا لانة اللى بيقوم بربط الكوبلن الداخلى بالكوبلن الخارجى وتثبيتهم فى الفتيس لاتمام عملية نقل الحركة

والاكس دة بيبقى فية جزء مشرشر لازم يكون سليم فى نهايتة واولة

لازم يكون مش واخد خبطة او مش معوج عشان مايتسببش فى رعشة

الاهم بقى لازم يكون نفس المقاس وكل ماتور ولية المقاس الخاص بية , ولازم يكون فية 5 ملى بوش فى كل ناحية لضمان سلاسة فى الاداء وعدم حدوث رعشة

الاكس مش بيجى لوحدة لازم يكون معاة كوبلن خارجى وداخلى

 

• 6 : الطنابير :

طبعا الطنابير مهمة جدا لانها دية اللى بيتركب فيها العجلة ولازم تكون مظبوطة ولا يوجد بها ريجة

واى تلف بيؤدى الى رعشة على السرعات , رجة مع الفرامل بعد سرعة 80 كم , عدم ثبات بدال الفرامل اثناء الضغط علية

7: المساعدين والسوستة والبطاحة :

المساعد من اهم العناصر الاساسية فى العفشة لانة بيخلى العربية ماتميلش جامد لو بتاخد ملف , بتحافظ جدا على شاسية العربية , نعومة وراحة عند المطبات غير كدة يبقى المساعد بايظ

السوستة بتبقى هية اللى رافعة العربية وبتخفف الحمل عن المساعد + تخفيف الاحساس بالمطب

فلو لقيت جنب اوطى من جنب يبقى كدة السوستة ودعت

البطاحة : بتبقى راكبة فوق المساعد ومتصلة بجسم السيارة وعبارة عن كاوتشة ورولمان بلى بيخلى المساعد يلف مع كسر العجل سواء يمين او شمال

فلما تسمع صوت تزييقة فى الكسرات اكشف عليهم

8 : بيض الشمعدان

بيض الشمعدان بيبقى متركب على طرف الشمعدان نفسة ناحية الخارج وبيبقى راكب علية الجنب بتاع السيارة

لو البيضة دية باظت بتسمع صوت خبط وانت ماشى على ارض غير ممهدة وخبط مع الطلعة

9: الشمعدان (الركبة - الواجهة) :

الشمعدان دة اللى بيكون متوصل بشاسية السيارة وشايل العفشة كلها

ودة بيبقى عامل زى المثلث وفية كاوتش فى اخر الطرف والبلية اللى اتكلمنا عليها

10 :بلية الطنبورة :

طبعا عارفين ان بلية الطنابير مهمة جدا لانها بتقوم بتنعيم حركة السيارة

والبلية دية موجودة داخل السرة اللى بيبقى فيها مسامير العجل

وعشان تتجرب بيتم وضع السيارة على جهاز الموتسيكل ويقوم هذا الجهاز بتدوير العجلة سريعا ثم البدأ فى سماع اذا كانت البلية اصبحت خشنة او تصدر صوتا عالى مع سرعة الدوران

ويتم تغير البلية عن طريق وضعها على مكبس لازم وإلا هتفرك

11: اخيرا كاوتشات التراب :

يوجد فى كل جنب 4 كاوتشات للتراب

اتنين للكبالن وواحدة لعلبة الاسكاترا وواحدة لبيضة المقص

الكاوتش دة مهم جدا عشان لو مقطوع او اى حاجة بيدخل تراب للكوبلن او لحشو العلبة ويؤدى إلى تسرب الشحم من داخل القلة فيؤدى الى تلفهم بسرعة جدا

مكونات العفشة الخلفية :

==============

تتكون العفشة الخلفية من عفشة مستقلة للجنبين وروابط متعددة الوصلات:

1: جلبتين ركب

2: كاوتشات ميزان

3: شدادين

4: مساعد + سوستة

5: مقصين خلفيين

اولا : جلب الركب :

ودية بتركب عند اخر الركبة الخلفية ومهمة جدا وبتفرق جامد اوى فى ثبات العربية , وراحتها فى المطبات وعدم الاحساس بالمطب , على فكرة بتعلى العربية لما بتكون سليمة , وبتخلى العربية ماتهبطش اوى حتة مع التحميل

ثانيا : كاوتشات الميزان (مسمار الميزان) :

ودية مهمة جدا فى راحة العربية واتزانها على الطريق مع السرعات

ثالثا : الشداد:

ودة بيكون ماسك جسم العربية بالجنب الخلفى وبيتكون من كاوتشتين من اعلى واسفل

بالنسبة للمساعد والمقص نفس الكلام هينطبق فى العفشة الامامية على العفشة الخلفية وتم شرحها مسبقا فى الاعلى

فى النهاية اشياء مهمة عشان تظبط العفشة :

1: تغير كاوتش الميزان كل سنة او كل 15000 كيلو

2: الكشف على الكبالن

3: تغير مايلزم من كاوتشات او جلب لضمان صلاحية باقى الاجزاء

للحفاظ على الكبالن :

1: بالنسبة للناقل المانيوال يتم الضغط على بدال الدبرياج عند الدخول فى المنعطفات الحادة ( الاتوماتيك يجيب الوضع على الN ثم الرجوع للD4 مرة اخرى

2: الاهتمام بابقاء كاوتشة التراب الخاصة بالكبالن سليمة والكشف عليها دائما

3: عدم الضغط على البنزين بشدة فى المنعطفات , او الانعطاف بسرعة

4: طبعا الامركة , والخمسات بيدمروا عفشة السيارة

تحياتنا فريق عمل موسي سيرفيس

لمزيد من الاستفسارات يرجي الاتصال علي ارقامنا 01288434894

من الساعة 11 صباحا الى الساعة 11 مساء

نقلا عن صفحة https://www.facebook.com/Skoda.Services